Ginbuksan na ang Molecular Laboratory sang Philippine Red Cross sa Passi City subong nga adlaw, Enero 13.
Personal nga nagtambong sa syudad sang Passi si Sen. Richard Gordon nga amo man ang chairman sang Philippine Red Cross agud pangunahan ang inagurasyon sa nasambit nga laboratoryo.
Ginakalipay naman sang mga pumuluyo kag mga opisyal sang Passi City ang pagbukas sang molecular laboratory.
Dako man nga bulig ang laboratoryo indi lamang sa Passi kundi mangin sa mga kaiping nga kabanwahanan sang Iloilo amo man sa mga banwa nga sakop sang Capiz agud nga mapadasig ang pag-test sa mga specimen may kaangtanan sa COVID-19.
Nahibaluan nga ang Philippine Red Cross-Passi City chapter ang nagserbe nga regional hub bangud ang tanan nga logistics sa isla sang Panay ang yara sa nasambit nga syudad.
