ILOILO – Nagpatuman sang work form home ang Department of the Interior and Local Government (DILG) Provincial Office matapos nagpositibo sa COVID-19 ang 23 nila ka mga empleyado.
Sa interview sang Bombo Radyo kay Juan Jovian Ingeneiro, Director sang DILG Region 6, iya ginpahayag nga matapos nagpositibo ang empleyado sang DILG Provincial Office, nagpatuman sila sang istrikto nga isolation sa ila Local Government Unit.
Suno kay Ingeneiro, agud nga masigurado nga indi na maglapta pa ang virus, ginpakamaayo nalang niya nga magdeklara sang work from home.
Nagapakig-angot naman ang ila nga pamunuan sa Iloilo City Epidemiology and Surveillance unit (CESU) agud matul-id ang ginhalinan sang virus sa ila mga empleyado.
Sa subong suno sa natungdan, ginpaidalum na sa Reverse transcription-polymerase chain reaction (RT-PCR) test ang indi magnubo sa 100 ka tawo nga na close contact sang mga COVID-19 positive.
