Nadugangan sang 30 ka panibag-o nga kaso sang coronavirus disease (COVID-19) ang Western Visayas.
Base sa February 9 bulletin sang Department of Health Region VI, yari ang mga probinsya kag syudad nga nakarekord sang pinakamataas nga numero sang bag-o nga COVID-19 cases:
Bacolod City – 2
Negros Occidental – 5
Iloilo City – 7
Iloilo Province – 8
Aklan – 8
Sa recoveries, 65 ang nagdugang, samtang wala naman sang nagdugang sa mga napatay.
Sa subong, ang Rehiyon VI ang may yara na sang 23,705 nga total confirmed cases sang COVID-19.
Sa sini nga numero, 1,162 ang total active cases; 21,833 ang reported recoveries; kag 704 ang reported deaths.
Kun pahat-pahaton ang mga kaso sa rehiyon:
Aklan – 645
Antique – 105
Capiz – 1,255
Guimaras – 265
Iloilo – 3,845
Negros Occidental – 6,686
Bacolod City – 5,786
Iloilo City – 5,118
