ILOILO – Ginpaidalom sa tatlo ka-adlaw nga Surgical Extreme Enhanced Community Quarantine (SEECQ) ang tanan nga mga merkado sa banwa sang Banate, Iloilo.
Ini ang santo sa ginpaggwa nga Executive Order No. 7-8 series of 2021 ni Mayor Carlos Cabangal Jr. kasunod sang pagpositibo sang duha ka stall owners sa fish section sang Municipal Public Market.
Magalawig sa tatlo ka-adlaw ang SEECQ sa diin ini ang nag-umpisa Pebrero 16 kag matapos sa bwas Pebrero 19.
Yari ang mga istrikto nga pagsulundan sa idalom sang SEECQ:
- Ginamando ang stay-at-home kag ginadumilian ang mga pagbyahe sa gwa sang banwa sa diin pahanugutan lamang makagwa-sulod sa mga border amo ang Authorized Persons Outside Residence (APOR)
- Ginadumilian ang tanan nga sahi sang transportasyon sa sulod sang mga merkado; kag
- Butangan sang Border Control ang mga dalanon
Ang tanan nga magalapas sa mga pagsulundan nga gin-isyu sang mga ahensya sang gobyerno ang magapangatubang sang criminal charges.
