ILOILO – Indi na required ang pagpaidalom sa Reverse transcription polymerase chain reaction (RT-PCR) test sa mga magapauli nga residente sang Probinsya sang Iloilo.
Sa interview sang Bombo Radyo kay Iloilo Governor Arthur Defensor Jr., iya ginpahayag nga ginkonsidera niya ang Resolution 101 sang Inter-Agency Task Force nga pahalugan ang travel protocols.
Apang apisar sini suno sa gobernador, required sa gihapon nga magpakita sang negative RT-PCR ang mga pangayaw sa tion nga magsulod sa Probinsya sang Iloilo.
Suno kay Defensor, bangud sa nagasaka nga kaso sang COVID-19 sa Metro Manila, magasapol sila sang mga local chief executive sang Western Visayas agud malantaw ang travel protocol sang tagsa ka local government unit sa rehiyon kag tinguhaan nga ini ang mangin ‘synchronized’.
