Dismayado bangud wala sang kinitaan ang mga manugbaligya sa Iloilo City kasunod sang pagpaidalom sa Iloilo City sa modified enhanced community quarantine (MECQ).
Sa interview sang Bombo Radyo kay Reniellda Obilla, fruit vendor sa Iloilo City Proper, iya ginpahayag nga tuman kagamay ang mga tawo nga nagaguwa kag nagabakal sang prutas nga iya ginabaligya kaangay sang mansanas kag indian mango.
Suno kay Obilla, kun kaisa ginahaboy nalang niya ang iban nga prutas nga ginabaligya nga napanitan na bangud nagakadunot lang.
Ginpahayag niya nga ang kinitaan niya sa pagbaligya sang prutas amo lamang ang ginakuhaan niya sang kalan-on sa adlaw-adlaw.
Nagapangabay man si Obilla nga kuntani matapos na ang pandemya agud mabalik naman sa normal ang ila kinitaan.
