Maid-id kag istrikto ang contact tracing nga ginapatigayon sang COVID-19 team sang Iloilo City Government sa mga local cases sang COVID-19 Delta variant sa syudad.
Sa interview sang Bombo Radyo kay COVID-19 team spokesperson Mr. Jeck Conlu, iya ginpahayag nga padayon pa nga gina-quarantine ang tatlo ka bag-o nga local cases sang Delta variant sa pribado nga pasilidad lakip na ang ila natumod nga close contacts.
Suno kay Conlu, padayon nga gina-monitor ang ila nga kondisyon kag natalana nga ipaidalom liwat sa swab testing pagkatapos ang 10 ka-adlaw.
Dugang pa niya, tubtob pa sa pila ka generation ang pagtumod sa close contact sa mga kaso sang delta variant sa syudad rason nga gina-abisuhan ang tanan nga maghalong pinaagi sa pagsunod sa tanan nga health protocols.
