Ginpasigurado ni Iloilo City Mayor Jerry Treรฑas, nga preparado ang syudad batok sa Lambda COVID-19 variant.
Sa interview sang Bombo Radyo kay Treรฑas, iya ginpahayag nga mas pasangkaron sang syudad ang COVID-19 vaccination agud ma-proteheran ang tanan batok sa mga mas makakalaton nga variant sang virus.
Suno kay Treรฑas, nagpasalig na si National Task Force Against COVID-19 Deputy Chief Implementer kag Testing Czar Secretary Vince Dizon sang dugang nga 27,000 ka doses sang Sinovac COVID-19 vaccines para sa syudad nga magaabot sa masunod nga semana.
Kahapon, Lunes, may nag-abot man sa syudad nga 5,700 ka doses sang PFizer COVID-19 vaccine, 10, 000 ka doses sang Moderna kag ginalauman ang pag-abot sang 20,000 ka doses sang Moderna vaccines sa bwas nga adlaw, Myerkules.
Bangud sini, nagdangat na sa 42.78 ang percentage sang mga pumuluyo sa Iloilo City nga nakabaton na sang ila first dose kag 27.2 percent naman sa second dose.
Bangud man sa peligro nga dala sang bag-o nga mga variant sang virus suno sa alkalde, nagataas man ang target population sang syudad para sa COVID-19 vaccination.
Padayon naman ang pagpakig-angot sang Iloilo City Government sa Department of Health (DOH) agud matungdan ang pagkinahanglan sang mga ospital sa syudad kaangay na lang sang kulang nga equipment, kag mga bulong.
