Opisyal na nga nagsugud ang national campaign para sa mga national-elected candidates subong nga adlaw, Pebrero 8.
Halos tanan nga presidential aspirants ang nag-set sang ila tagsa ka proclamation rallies sa una nga adlaw sang campaign period.
Si Manila Manila Mayor Isko Moreno ang nagpatigayon sang iya proclamation rally sa Kartilya ng Katipunan sa Metro Manila.
Samtang, si Senator Panfilo Lacson ang yara naman sa Imus Grandstand sa Cavite.
Si Senator Manny Pacquiao sa General Santos City kag si Vice President Leni Robredo ang yara sa Plaza Quezon sa Naga City.
Samtang, si Labor leader Leody de Guzman ang nagpadulong sa Bantayog ng mga Bayani sa Quezon City, Si former Senator Ferdinand “Bongbong” Marcos Jr. naman ang nagpatigayon sang iya proclamation rally sa Philippine Arena sa Bulacan, kag si Presidential Aspirant Jose Montemayor Jr. ang may separado man nga aktibidad sa Pasay City.
Magluwas sa presidential kag vice presidential hopefuls, ang mga senate aspirants ang nagsugud naman sang ila pagpangampanya.
Suno kay Commission on Election (COMELEC) spokesperson James Jimenez, sa idalom sang Section 14 sang Comelec Resolution 10372, nga amu naga-impose sang restrictions sa motorcades, ang pahanugutan lang sa sulod sang salakyan amu ang kandidato, campaign leaders, kag supporters nga upod sa isa ka balay.
Yari naman ang ginadumili-an samtang nagapatigayon sang motorcades:
- physical contact (handshakes, paghaksanay, paghalukay, arm-in-arm)
- pagpapicture sa publiko (selfies, photographs kag iban pa nga naga-require sang close proximity sa tunga sang kandidato kag iban nga kaupdanan ukon supporters) kag;
- pagpanagtag sang mga pagkaon kag ilimnon.
Nahibalu-an nga magatakop ang election campaign sa Mayo 7.
Magasugud naman ang kampanya sang locally-elected candidates sa Marso 25.
