ILOILO CITY – Nagsaka sang halos P20. 00 ang presyo sang isa ka kilo nga mantika sa La Paz Public Market.
Sang nagligad, ang isa ka kilo ang nagabalor sang P90.00 apang subong, naglab-ot na sa P110.00.
Ang balor sang isa ka container nagikan sa supplier ang naglab-ot sa P1, 500.00 apang sang una, P1, 200.00 lang ang isa ka container.
Sa interview sang Bombo Radyo kay Rimo Paglumutan, nagabaligya sang mantika sa La Paz Public Market, iya ginpahayag nga sa subong, indi pa niya mahibaluan kun pila ka pesos pagid ang pagsaka man sang presyo sang mantika kadungan sang ginalauman nga pagsaka pagid sang presyo sang gatong subong nga semana.
Sa subong, wala pa sang may nakita nga pagnubo sa numero sang mga manugbakal sang mantika.
