Nagpanawagan ang mga senador sa mga ahensya sang gobyerno nga untaton na ang pag-agi pa sa Procurement Service sang Department of Budget and Management (PS-DBM) para sa ila nga purchase requirements.
Suno kay Senate Minority Leader Aquilino Pimentel III, mas maayo para sa mga departamento nga indi na lang magpakig-angot sa PS-DBM samtang nga nagahulag man subong ang Kongreso sa pag-restructure ukon pag-abolish sa amo nga kontrobersyal nga opisina.
Naghingyo naman si Sen. Sherwin Gatchalian sa government agencies nga gamiton ang ila nga kaugalingon nga administrative processes kun may baklon nga items.
Suno kay Gatchalian, daw kaangay nga gin-set up na sang mga ahensya ang PS-DBM bilang centralized purchasing unit apang gina-abusuhan sang ginapahayag “unscrupulous personnel.”
Ginduso man ni Gatchalian sa Senate blue ribbon committee nga magpatigayon sang imbestigasyon batok sa PS-DBM.
Sang nagligad nga semana, may gin-file man nga resolutions agud pa-imbestigaran sa Senador ang ginbakal sang PS-DBM nga overpriced laptops para sa Department of Education (DepEd).
Antes naglupok ang isyu sa DepEd, yara man ang pangalan sang PS-DBM sa eskandalo sang pagbakal sang P1.38 billion worth sang personal protective equipment nga wala sang required documentation, lakip na ang clearance gikan sa Food and Drug Administration.
Partikular nga gintumod ni Pimentel ang P42-billion corruption scandal nga nagapahayag involved ang mga opisyal sang PS-DBM kag amo man ang Pharmally Pharmaceutical Corporation. ##
