ILOILO CITY – Nag-adoptar sang duha ka resolution ang Senado nga nagatukod sang tatlo ka komitiba kag nagatukod liwat sang isa ka special committee.
Ang Resolution Number 139 ang gin-adoptar sang chamber nga ginapamunuan ni Senate President Juan Miguel Zubiri pinaagi sa sponsorship ni Senate Majority Leader Joel Villanueva.
Ang ini nga tikang ang nagatunga sang Senate committee on basic education sa isa pa ka panel nga amo ang culture and arts.
Samtang ang labor committee ang may yara sang dugang nga panel nga amo ang committee on migrant workers.
Ang Senate committee on cultural communities ang gin-islan sang committee on cultural communities and Muslim affairs.
Si Senator Sherwin Gatchalian ang magapamuno sang basic education committee.
Ang labor panel ang pamunuan ni Senator Jinggoy Estrada samtang ang cultural communities ang pamunuan ni Senator Robin Padilla.
Sa pihak nga bahin, gin-adoptar man sang Senado ang Resolution 95 nga nagatukod sang special committee on Marawi City rehabilitation and victims’ compensation nga liwat nga pamunuan ni Senator Ronald “Bato” dela Rosa.
Antes pa man gin-adoptar ang Resolution 95, nagpanawagan si Senator Robin Padilla sa chamber may kaangtanan sa wala sa gihapon nahatag nga compensation sa Marawi siege victims.
Sa pihak nga bahin, gin-eleher man ang dugang nga walo ka mga myembro sang Commission on Appointments.
Ini amo sanday senators:
Alan Peter Cayetano
Loren Legarda
Francis “Chiz” Escudero
Grace Poe
Nancy Binay
JV Ejercito
Jinggoy Estrada
Risa Hontiveros
