Ginabanta nga 4.4 million ka pigado nga mga Pinoy ang ginalauman nga maka-benepisyo gikan sa Pantawid Pamilyang Pilipino Program (4Ps) sa 2023 suno kay Senator Imee Marcos.
Si Senator Marcos amo ang sponsor sang P194.6 billion nga proposed budget sang Department of Social and Welfare sa 2023.
Suno sa senadora, indi ma-cater sang ahensya ang numero sang benepisyaryo nga mas madamo kun ipaanggid ila nga tuigan nga target bangud kinahanglan paiguon ang budget sang conditional cash program.
Kada tuig suno kay Marcos, yara lang sa 4.4 million ang target beneficiaries sini nga programa kag ini lang ang masarangan sang budget.
Kun balikan, una na nga ginpahayag ni Social Welfare Secretary Erwin Tulfo nga may 600,000 non-compliant nga beneficiaries nga kakasan sang financial aid.
Apang suno naman kay Marcos, sang gin-review ini, nakit-an nga indi man sila “fake beneficiaries” kag ginbutang na lamang sa “Listahan 3” database.
