ILOILO CITY – Indi maka-apekto sa relasyon sang Pilipinas kag China ang natalana nga pagbisita ni US Vice President Kamala Harris sa Palawan.
Ini ang suno kay President Ferdinand “Bongbong” Marcos Jr.
Suno sa presidente, magabisita si Harris sa teritoryo sa gihapon sang Pilipinas apisar nga ang Palawan ang malapit lamang sa kadagatan sang China.
Natalana nga mag-abot si Harris sa pungsod bwas sa gab-i pagkatapos magtambong sa Asia-Pacific Economic Cooperation Summit sa Thailand.
Natalana ini nga magpakigkita kay Marcos kag kay Vice President Sara Duterte sa Lunes kag magabisita sa Palawan sa Martes.
Suno pa kay Marcos, ang natalana nga hambalan sa meeting amo ang relasyon sang Pilipinas kag Estados Unidos.
Ang pagbisita ni Harris sa Palawan ang matabo anum ka tuig pagkatapos nga nangin madinalag-on ang pungsod batuk sa claims sang China sa West Philippines Sea.
Nagapamatuk ang China sa ruling sang the Hague-based Permanent Court of Arbitration kag padayon nga nga yara sa exclusive economic zone sang pungsod apisar sang mga diplomatic protests.
