Ginrason ni Department of Justice (DOJ) Secretary Jesus Crispin Boying Remulla nga gin-reject sini ang pila ka rekomendasyon sang United Nations Human Rights Council bangud sang naandan nga pagtuluuhan ukon religious beliefs sang mga Pinoy.
Ginpahayag man ni Remulla nga indi pa handa ang pungsod sa same-sex marriage kag sa ginaduso nga hagna nga protektahan ang lesbian, gay, bisexual, transgender, queer, intersex, asexual, kag agender+ (LGBTIQA+) community.
“Sabi nga natin, eh, culturally, our values may conflict with many of the values that they want to impose on us… We are not ready for that. Culturally, we are not ready for that,” pahayag sang tiglikom.
Matandaan nga una na nga ginpahayag sang tiglikom nga una na nga gin-reject sang Philippine delegation sa Switzerland ang panawagan nga batunon ang hagna nga Sexual Orientation, Gender Identity and Expression Equality ukon ang SOGIE.
Suno pa kay Remulla, gin-insister sang United Nations Human Rights Council nga kinahanglan ang SOGIE Bill para sa same-sex marriage kaangay sang ginahimo sa iban nga mga pungsod.
Apang diri sa Pilipinas suno kay Remulla, indi pa ini sarang mabaton.
Una naman nga ginpahayag ni Justice Undersecretary Raul Vasquez nga 200 lang sa 279 recommendations sang UN body ang ginbaton sang Pilipinas.
Sa 79 nga wala ginbaton kaangay sang divorce, kinahanglan pa suno kay Vasquez ang partisipasyon sang isa pa ka branch sang government.
