ILOILO CITY – Nauyang lamang ang 44 million nga doses sang COVID-19 vaccine sa pungsod suno kay Department of Health officer-in-charge Maria Rosario Vergeire.
Ang 44 million doses ang kabahin sang 17.5 percent sang kabilugan nga numero sang bakuna nga nabaton sang pungsod.
Ini nga wastage ang naglapaw na sa threshold nga gin-set sang World Health Organization nga 10 percent.
Suno pa kay Vergeire, 75 percent of the vaccine wastage ang nagikan sa ginbakal sang private sector kag local government units.
Sa amo man nga numero, 24 million doses ang nag-expire samtang 3.8 million doses ang apektado bangud sang “operational wastage.”
Ang operational wastage ang bangud sang kalamidad, temperature excursions kag discoloration.
