Kun makuha sang Pilipinas kag sang Association of Southeast Asian Nations (ASEAN) ang strategic support halin sa European Union (EU), mangin mabaskog ang position sang pungsod nga ma-negosyar ang mga mainit nga isyu kaangay sang West Philippine Sea.
Sa ASEAN and the EU Commemorative Summit, ginpamangkot si Marcos kun ano ang mga tikang nga ginahimo sang duha ka regional groups agud mapasiguro ang rule of law sa disputed areas.
Suno naman sa presidente, mangin mabaskog ang objections sa violations sa United Nations Convention on the Law of the Sea kun i-raise ini sang group of nations kaangay sang ASEAN ang strategic support halin sa EU.
Suno pa sa presidente, para sa Pilipinas, isa na ka dako nga bagay ang commitment sang EU sa joint declaration sa doctrine of behaviors sa West Philippine Sea.
Sang Septyembre, matandaan nga ginpahayag ni Marcos may sovereignty ang Pilipinas sa West Philippine Sea.
Ginpahayag man sini nga wala sang away sa teritoryo ang Pilipinas kag ang China.
