Natalana nga pirmahan ni President Ferdinand Marcos Jr. sa Byernes ang P5.268-trillion 2023 national budget.
Suno kay Department of Budget and Management Secretary Amenah F. Pangandaman, may ginhimo lang anay nga veto message ang presidente antes sini pirmahan ang General Appropriations Act sa Disyembre 16.
Suno pa kay Pangandaman, gin-realign sang mga mamalidha ang halos P70 billion sa 2023 budget.
Kalabanan sang realignment nagkadto sa priority programs lakip na ang pondo sa education sector partikular na sa state universities and colleges, amo man sa social services kag sa health sector.
Yara pa si Marcos sa Brussels agud magtambong sa Association of Southeast Asian Nations-European Union summits apang ginalauman nga magabalik na ini sa Pilipinas subong nga adlaw.
