ILOILO CITY – Yari pa sa Pilipinas ang opisyal sang Bureau of Corrections nga naangut sa kamatayon sang broadcaster nga si Percy Lapid kag gina-alegar middleman nga si Jun Villamor.
Suno sa abogado ni Senior Superintendent Ricardo Zulueta, wala nagapanago ang opisyal.
Ginpakigbahin pa sang abogado ang picture nila nga duha ni Zulueta.
Makita si Zulueta nga nagasuksok sang polo shirt kag jeans kag nagapungko sa tubang sang abogado.
Ang picture ang kuha sa iya law office sa Baguio City sang Disyembre 13.
Ginpanginwala man sang abogado ang reports nga nagpangape sila nga duha ni Zulueta sa isa pa niya ka law office sa Pennsylvania Ave., San Francisco, California.
Suno sa iya, ang iya law office ang nahamtang sa San Fernando City, La Union kag indi sa San Francisco, California sa Estados Unidos.
Una na nga ginpahayag ni Justice Secretary Jesus Crispin Remulla nga nagpakig-angut na ini sa National Bureau of Investigation nga lab-uton ang pamilya ni Zulueta sa tunga sang padayon nga paghipos sini.
Si Zulueta ang wala na nakita sang Nobyembre.
Nagpasaka na sang duha ka murder complaints ang Philippine National Police kag National Bureau of Investigation batuk kay Zulueta kag sa suspendido nga Bureau of Corrections chief nga si Gerald Bantag.
