ILOILO CITY– Padayon pa nga ginaimbestigaran sang otoridad ang pagkasapo sa bangkay sang isa ka bata nga babaye sa compound sang isa ka cellsite sa Purok 1, Barangay Gogo, Estancia, Iloilo.
Ang biktima nagaedad sang pito ka tuig kag residentesang Purok 1 sa amo nga barangay.
Sa interview sang Bombo Radyo kay PSSG Dan Jerald P Allanic, imbestigador sang Estancia Municipal Police Station, iya ginpahayag nga base sa sitwasyon sang bata, maathag nga ginhimuslan ini.
Nahibaluan nga sang nakit-an ang bata,wala na ini sang pang-idalom nga panapton.
Suno kay Allanic, may mga lagob sa mata kag pilas sa kamot kag ulo ang bata nga nagapatimaan nga nagbato ini sa tawo nga naghimulos sa iya.
Ginpahayag naman ni Allanic nga posible indi magnubo sa duha ka tawo ang naghimo sang amo nga krimen.
