Iloilo – Ginkasubo sang isa ka board member sa Probinsya sang Iloilo ang nangin tikang sang gobyerno nga mag-import sang bombay bilang solusyon sa kakulang sang suplay sini.
Sa interview sang Bombo Radyo kay Iloilo 3rd District Board Member Matt Palabrica, iya ginpahayag nga sa baylo nga mag-import, nagakadapat nga magasentro ang programa sang gobyerno sa pag-protekta sa mga local farmers.
Suno kay Palabrica, magapadulong ini sa Provincial Agricultural Office agud hatagan sang igtalupangod ang problema sa bombay.
Samtang nagapati naman ang natungdan sa kartel kag smuggling indi lang sang bombay, kundi sang nanuhay-tuhay nga mga produkto sa Pilipinas.
