ILOILO CITY- Wala sang koronahan nga Jaro Fiesta Queen sa selebrasyon sang kapiestahan ni Nuestra Senora de la Candelaria sa palaabuton nga Pebrero 2,2032.
Sa interview sang Bombo Radyo kay Punong Barangay Edwin Divinagracia, presidente sang Association of Barangay Captains-Jaro, iya ginpahayag nga apisar wala sang Fiesta Queen subong nga tuig, may yara naman sang Miss Jaro.
Suno kay Divinagracia, siyam ka mga kandidata ang magapaindis-indis sa duha ka adlaw nga kompetisyon- sa Enero 30 ang talent night kag sa Enero 31 ang coronation night.
Samtang, Pebrero 1 nga bisperas sang fiesta, may yara sang candle lighting procession pagkatapos sang misa sa 5:30 sa hapon.
Sa Pebrero 2, may regular nga misa kag may yara nga prusisyon sa hapon.
Wala naman sang patigayunon nga signal jamming sa kapiestahan ni Nuestra Senora de la Candelaria.
All set naman ang ipatuman nga seguridad para sa kafiestahan.
