ILOILO CITY- Napasakaan na sang sampaw-sampaw nga kaso kriminal ang subject sang raid nga ginpatigayon sang otoridad sa Barangay Lampaya sa amo nga banwa sang Enero 23.
Ang arestado nga suspek amo si Adrian Pineda, residente sang amo nga lugar.
Sa interview sang Bombo Radyo kay PMaj.Dadje De Lima, hepe sang Calinog Municipal Police Station, iya ginpahayag nga kaso nga rape kag illegal possession of fireaarms and explosives ang ginpasaka batok kay Pineda.
Nahibaluan nga ginpatigayon sang Calinog Municipal Police Station upod ang Provincial Intelligence Unit kag 2nd Mobile Force Company sang Iloilo Police Provincial Office ang amo nga raid nga nagresulta sa pagkarekober sa 12 gauge shotgun kag isa ka granada sang suspek.
Si Pineda ang isa man sa mga naaresto nga suspek sa pagpanghold- up sa empleyado sang hardware sa Calinog sang Marso 28, 2022 sa Barangay Aglalana, Passi kun sa diin nataban sang suspek ang P1.5 million apang nakapiyansa.
