ILOILO CITY- Ginbuksan na sa mga motorista ang Buhang flyover sa Jaro, Iloilo City.
Apang ini ang dry run pa lamang.
Sa interview sang Bombo Radyo kay Engr Cesar Hipona Jr., director sang District Engineering Office-Iloilo City, iya ginpahayag nga nag-umpisa ang dry run subong nga adlaw kag malawig tubtob sa Marso 31.
Suno kay Hipona, bukas ini humalin 7:00 AM tubtob 4:00 PM kag limitado lamang sa mga light vehicles ang mahimo makaagi sa flyover.
Pahayag ni Hipona,sa subong,clearing na lang ang dapat nila himuon kag sa ikatatlo nga semana sang Abril, buksan na ini sang permanente.
