ILOILO CITY- Ginpreso ang lima ka overseas Filipino workers (OFWs) sa Sharjah, United Arab Emirates (UAE) matapos nga may nag-file sang reklamo batok sa ila video nga ginpost.
Ang amo nga video ang gin-upload sa TikTok sang Marso 12, 2023.
Suno sa utod sang isa sa mga arestado, kalingawan lang kuntani nila ang paghimo sang video apang nasal-an sila nga prostitute.
Ginpahayag naman ni Department of Migrant Workers (DMW) Secretary Toots Ople nga sa subong , ginahulat na lang ang schedule sang court hearings sa Sharjah court.
Nag-schedule naman ang Philippine Embassy kag Labor Attache sa UAE nga makigsugilanon sa employers sang lima ka OFWs.
Base sa cybercrime law sang UAE, ang lima ang mahimo multahan kag mapreso sang lima ka tuig.
Ginpasiguro naman ni Ople nga indi nila pagpabay-an ang lima ka OFWs.
