ILOILO CITY- Nagaplano si Iloilo City Councilor Johnny Young nga limitahan ang oras sa pagbaligya sang mga streetfood vendors.
Sa interview sang Bombo Radyo kay Councilor Young, iya ginpahayag nga ginaproponer niya nga tugutan lang nga magbaligya ang mga streetfood vendors humalin ‘las 5 sa hapon tubton ‘las 5 sa aga.
Suno kay Young, daku nga problema ang mga ginabilin nga basura sang mga vendors kag ang trapiko sa mga dalanon sa syudad.
Nagpakig-angot ang konsehal sa Special Services Division agud maistoryahan ang mga nagakadapat himuon sa mga street food vendors.
Pasado na sa first reading ang ordinansa kag natalana nga istoryahan sa committee hearing.
