ILOILO CITY- Nangin mainit ang eksena sa tunga nanday Iloilo City Councilors Plaridel Nava kag Rex Sarabia sa regular session sang City Council subong nga adlaw.
Ini matapos nga ginsaway ni Councilor Nava si Councilor Sarabia bangud sa ginapahayag pagbinastos sini sa session.
Sa interview sang Bombo Radyo kay Nava, iya ginpahayag nga nagadebatehay sanday Councilors Sedfrey Cabaluna kag Romel Duron, apang nakit-an niya si Sarabia nga nagakaon sang popcorn kag kaangay nga nagalango-lango samtang seryoso ang topiko nga ginadebatehan sang duha ka konsehal.
Suno kay Nava, matapos niya ginsaway, nag-alegar si Sarabia nga ginbuyayaw siya ni Nava rason nga nag-init pa gid ang ulo sang opposition councilor.
Nagwalk-out na lang si Nava sa session agud pakalmahon ang kaugalingon.
Gintawag naman sini si Sarabia nga bata-payaon kag wala malutas bangud sa iya nangin aktwasyon.
