ILOILO CITY- Nagpabutyag sang kalain sang buot ang ginikanan sang isa sa mga atleta nga kabahin sang delegasyon sang Iloilo City nga nagpasakop sa Western Visayas Regional Athletic Association Meet 2023 sa Aklan.
Sa interview sang Bombo Radyo kay alyas Jimmy, iya ginpahayag nga antes nagpadulong sa Aklan para sa regional meet nga nagsugod sang Abril 26 tubtob 30, nagpromisa ang Iloilo City Government nga ihatag ang ila allowance pagkatapos sang ila hampang.
Apang suno kay Alyas Jimmy, manug-isa na ka bulan sang natapos ang hampang sang mga atleta apang wala gihapon sang pondo bangud nga may problema sa pag-proseso sang mga papeles.
Pangabay niya kay Mayor Jerry Treñas nga kuntani mapadasig ang paghatag sang allowance sa mga bata agud indi man ma-frustrate ang mga ini.
