ILOILO CITY- Ginakabig sang Armed Forces of the Philippines nga isa ka sahi sang pagpanghanda ang Reserve Officers Training Corps Games 2023 sa tion nga mapatuman ang mandatory Reserve Officers Training Corps (ROTC) sa kolehiyo.
Sa interview sang Bombo Radyo kay Major General Joel Alejandro Nacnac, Deputy Chief of Staff for Reservist and Retiree Affairs sang Armed Forces of the Philippines, iya ginpahayag nga kahigayunan ini para sa mga estudyante nga mahatagan sang ideya ang importansya sang amo nga programa.
Suno kay Nacnac, paagi sini, mas marealisar man sang mga estudyante kun ano ka dako ang ila papel sa komunidad sa palaabuton.
Nahibaluan nga ang mandatory ROTC bill ang isa sa mga priority measures ni Presidente Ferdinand Marcos Jr.
