ILOILO CITY- Nakapoy na si Iloilo City Councilor Plaridel Nava sa iya katungdanan bilang opisyal sang syudad.
Sa interview sang Bombo Radyo kay Councilor Nava, iya gin-ako nga ginapanumduman na niya sang maayo ang posibilidad sang pagbuya sa posisyon.
Suno kay Nava, wala na gid man siya kuntani plano nga magpadalagan sa pagka-konsehal sang tinalikdan nga eleksyon bangud luyag niya nga magfocus sa pamilya.
Dugang sang konsehal, nahatag naman niya ang tanan sa pagdala sang kawsa sang publiko kag itugyan naman niya ini sa iban nga mga opisyal nga nagakabagay man sa posisyon nga mangalagad sa mga Ilonggo.
