ILOILO CITY- Nagpasalig ang Public Safety and Tansportation Management Office nga ginapangdakop nila ang mga provincial jeepneys nga overloading ang pagpasakay sang mga pasahero.
Sa interview sang Bombo Radyo kay Mr. Jeck Conlu, pinuno sang nasambit nga talatapan, iya ginpahayag nga may nadakpan sila nga isa ka jeep sang damlag gid lamang nga sobra-sobra ang unod nga pasahero.
Suno kay Mr. Conlu, ginsaway ang driver nga nadakpan kag ginpabayad sang P1,000 nga penalty.
Paathag sang natungdan, sa masami, last trip sang mga provincial jeepneys ang naga- overload sang pasahero ilabi na kun may mga events sa syudad ilabi na subong nga may klase ka madamo sang mga estudyante nga nagapauli.
Natalana naman nga istoryahon sang opisina ang mga drivers kag jeepney association kag istoryahan ang overloading nga nagakatabo kag kun indi sila sa gihapon magsunod sa pagsulundan, maga- file sang complaint ang talatapan sa Land Transportation Franchising and Regulatory Board.
