ILOILO CITY- Handa ang Philippine Drug Enforcement Agency nga magbulig sa tion nga dayunon sang Department of Interior and Local Government ang mandatory nga pagpaidalom sa drug test sa mga kandidato para sa Barangay kag Sangguniang Kabataan Elections.
Sa interview sang Bombo Radyo kay Atty. Bomrad Soc Abonado, spokesperson sang Philippine Drug Enforcement Agency Region 6, iya ginpahayag nga positibo ang iya panan-awan sa amo nga tikang.
Suno kay Abonado, paagi sini, masiguro sang mga botante nga ang ila mga ginaelihir nga opisyal ang wala sang malain nga bisyo.
Pahayag niya, ini agud nga mangin maayo man nga ehemplo ang mga magapungko nga opisyal sa ila nga komunidad.
