ILOILO CITY- Anom ka tawo ang patay kag isa ang nakaluwas sang nagtibusok ang isa ka eroplano sa Northwest Territories sa Canada.
Ang napatay ginalakipan sang duha ka crew members kag apat ka pasahero.
Natabo ang crash samtang nagapadulong ang eroplano sa Diavik Diamond Mine halin sa Fort Smith nga yara sa border sang Alberta.
Suno sa global mining company Rio Tinto, empleyado nila ang sakay sang aircraft.
Madasig naman nga nakadtuan sang otoridad ang crash site rason nga nadala gilayon sa ospital ang survivor.
Padayon pa ang imbestigasyon kaangot sa insidente.
