ILOILO CITY- Ginapaaresto sang International Criminal Court (ICC) sanday anay Russian Defense Minister Sergei Shoigu kag ang Chief of the General Staff nga si Valery Gerasimov.
May kaangtanan ini sa alegasyonsa ng international crimes, war crimes, kag crimes against humanity batok sa ila.
Suno sa ICC, ang duha ang responsable sa duha ka war crimes, kalakip ang pag-atake sa mga sibilyan kag ang pagtuga sang tuman nga kahalitan.
Suno pa sa ICC, ang mga ginpasaka nga kaso ang naangot sa strike batok sa madamo nga electric power plants kag sub-stations nga ginhimo sang Russia sa bilog nga Ukraine umpisa sang Oktubre 2022 tubtob sang Marso 2023.
Ang duha ka warrants sa matag-as nga opisyal sang Russia ang dugang lamang bangud nauna na nga ginpagwa sang ICC ang mga warrant of arrest para kay President Vladimir Putin kag Russian official nga si Maria Lvova-Belova bangud sa alegasyon nga plano nga i-deport ang mga bata nga Ukrainian.
