CALINOG, ILOILO – Gindayaw sang South Korean Government ang gobyerno sang Pilipinas kadungan sang inagurasyon sang mega dam nga Jalaur River Multi-Purpose Project sa Calinog, Iloilo.
Sa speech ni Ambassador of the Republic of Korea to the Philippines Lee Sang-hwa, ginpahayag sini nga tuman ang iya kalangkag nga gin-inagurahan na ang pinakadako nga dam sa Visayas.
Suno kay Lee, wala nagduha-duha ang ila gobyerno sa pagbulig sa Pilipinas pinaagi man sa pag-apruba sang 207 million US dollars nga loan halin sa Korean Exim Bank.
Ini na suno sa iya ang pinakadako nga Official Development Assistance (ODA) project sang South Korea sa Pilipinas.
Sa tion nga mangin fully operational na ang proyekto, ginalauman nga mapataas sini ang produksyon sang humay nga makabulig sa pagnubo sang presyo sang bugas, isa sa sa mga nagapanguna nga rason sang
inflation sa Pilipinas.
Lauman man suno sa iya nga mas madamo pa nga proyekto sa Pilipinas ang pondohan sang South Korean Government.
