Ginmando sang Office of the Ombudsman ang pag-dismiss kay suspended Bamban, Tarlac Mayor Alice Guo.
Ini ang bangud sa grave misconduct nga ginkomitir sini may kaangtanan sa ilegal nga operasyon sang Philippine Offshore Gaming Operators (POGO) hub sa banwa nga iya nasakupan.
Suno sa Ombudsman, gina-akusaran si Guo nga may kaangtanan sa pagpasugot sa padayon nga operasyon sang POGO hub sa ila lugar sa pihak sang mga reklamo kag panawagan nga untaton na ini.
Bunga sang mga alegasyon, ginpatigayon ang maid-id nga imbestigasyon sang Ombudsman nga nagresulta sa desisyon sang pagsipa kay Guo sa pwesto.
“The Office finds Alice Leal Guo guilty of grave misconduct for which she is meted with dismissal from service with forfeiture of all her retirement benefits and perpetual disqualification to reenter government service.”
Padayon naman nga ginabantayan sang mga otoridad ang sitwasyon agud masigurado ang insakto nga pagpatuman sang layi kag kalinong sa Bamban.
Ginserbe naman ang subpoena sang regional officers sang Commission on Elections (COMELEC) sa Virgen Delos Remedios Farm sa Bamban nga ginapanag-iyahan sang alkalde.
Apang wala sa lugar si Guo rason nga ginbaton lang sang iya staff ang subpoena.
