Nagpamalibad si Senator Imee Marcos nga mag-upod sa senatorial slate nga gin-endorso sang iya utod nga si President Ferdinand “Bongbong” Marcos Jr. para sa 2025 elections.
Base sa video message ni Imee, magapa-reelect ini bilang isa ka independent candidate.
Sa statement sang senadora, ginpahayag sini nga mabudlay mag-isahanon sa pulitika kag sa kampanya, apang amo ini suno sa iya ang legasiya nga ginbilin sang iya amay nga si anay Presidente Ferdinand Marcos, Sr.
“It is never easy to stand alone, in campaigns and in politics… But that is the legacy my father left me, that is the legacy of Apo Lakay whom we remember today,” suno kay Imee samtang gina-mensyonar ang 35th death anniversary sang iya amay.
Pahayag pa ni Imee nga subong affiliated sa Nacionalista Party, ginpili niya nga mangin independent na lamang para indi na mabudlayan ang iya “ading” (Bongbong Marcos), kag amo man ang iya mga abyan.
“I chose to stand alone so that my ading (younger brother) will no longer be put in a difficult position, and my true friends won’t have to hesitate,” pahayag sini.
“I choose to remain free and loyal — not to any group, but to every Filipino,” iya gindugang.
Nahibaluan nga ang kaupod sini sa Nacionalista nga si House Deputy Speaker Camille Villar ang kabahin man sang senatorial ticket sang electoral alliance sang administrasyon nga amo ang Alyansa para sa Bagong Pilipinas.
Nagpasalamat man si Imee sa Nacionalista kag sa iya utod nga si Bongbong nga gin-upod siya sa ginpakilala nga senatorial slate.
“I offer my heartfelt gratitude to President Bongbong, who, despite the anger and extreme cruelty of some, came to my defense and included me in the alliance,” pahayag sini. “Many thanks also to NP and to all my allies who continue to support me, may your trust remain with me.”
Matandaan nga sang ginpakilala ni Marcos ang 12 nga yara sa ila line-up sang nagligad nga semana, si Imee lamang ang absent apang ginrason nga masako na ini sa pagpangampanya.#
