Nagdala sang mga buhawi, baha, kag storm surges ang paglaslas ni hurricane Milton sa Florida, USA.
Masobra sa duha ka milyon ka mga puluy-an ang nadulaan sang kuryente kag may narekord man nga patay.
Sa St. Petersburg, sa west coast sang estado,nakakas gid ang atop sang Major League Baseball stadium.
Ang Milton isa ka category five hurricane nga gin-downgrade na subong sa category one apang padayon ang paglaslas kag pagpanghalit sini.
Si Milton ang naglaslas duha ka semana matapos ang paghalit man ni Hurricane Helene nga nagpatay sa kapin 225 ka tawo sa Florida, Georgia, South Carolina, Tennessee, Virginia kag North Carolina.
