Nagwa sa survey nga ginpatigayon sang Bangko Sentral ng Pilipinas (BSP) nga kalabanan sa mga Filipinos ang nagasuporta sa polymerization sang Philippine banknotes.
Suno sa BSP, nagwa sa first quarter sang ila Consumer Expectation Survey nga 61.3% sang respondents ang nagasuporta sa polymerization sang Philippine banknotes, nga mas mataas sang 10.9% sang nagligad nga tuig.
“The introduction this month of new polymer banknote denominations — namely, 500- 100-, and 50-piso notes — followed studies that show the smarter, cleaner, and stronger characteristics of polymer banknotes,” pahayag sang BSP.
Una diri, ginpagwa sang central bank ang bag-o nga polymer banknotes nga ginalakipan sang P500, P100, kag P50, sa diin makit-an ang mga imahe sang native kag protected species, mangin ang local weave designs.
Ang bag-o nga polymer banknote denominations ang mangin available sa limitado nga quantities sa Greater Manila Area subong nga Disyembre, apang mangin fully available sa first quarter sang 2025.
