Ginkaakig ni Iloilo City Mayor Jerry Treñas ang pagkadula sang internet connection sang PLDT sa JM Basa St., City Proper.
Ini kasunod man sang pagbaklas sang City Engineers Office sang kable sang internet provider bangud nag-expired na ang ila extension sang exemption sang Disyembre 31, 2024.
Sa interview sang Bombo Radyo kay Joy Fantilaga, spokesperson ni Mayor Treñas, iya ginpahayag nga lakip sa mga nadulaan sang internet connection ang Iloilo City Hall, rason man nga disappointed gid ang alkalde sa natabo.
Suno kay Fantilaga, antes ginpatigayon ang operasyon, ginsapol ang mga telecommunication companies kon sa diin, nagpasalig ang PLDT nga na-dismantle na ang ila linya.
Apang, gulpi lang nga nadula ang koneksyon sang internet sang udto sang Enero 3, 2024.
Ginpahayag man sini nga may mga customers man kag subscribers ang ginkadismaya ang pagkadula sang internet kon sa diin, naapektohan man ang operasyon sang Local Economic Development and Investment Promotions Office.
