Ginpasiguro sang Iloilo Provincial Health Office nga prayoridad sang provincial government ang paghatag sang maayo nga eksperyensiya sa mga bisita nga magapakigbahin sa food festival and bazaar sa kapitolyo nga magasugod na subong nga gab-i.
Sa interview sang Bombo Radyo kay Dr. Rodney Labis, Chief sang Health Service Delivery Division sang Iloilo Provincial Health Office, iya ginpahayag nga mangin smoke-free sa venue kag may mga personnel sila nga magabantay kag mangsayaw sa sin-o man nga nagapanigarilyo.
Suno kay Labis, siguraduhon man nila ang health compliance sa mga food stalls agud nga safe ang pagkaon para sa publiko nga gusto mag-enjoy sa food festival.
Gindugang ni Labis nga may yara man sang nakahanda nga medical response team nga ginabug-usan sang mga doctor kag nurses ilabi na sa patigayunon nga Kasadyahan sa Kabanwahanan kag Dagyang Tribes Competition agud magresponde sa sin-o man nga maglain ang pamatyag kadungan sang aktibidad.
