Naka-eksperyensya sang ashfall ang Purok Katubuhan, Brgy. Mailum, Bago City, Negros Occidental kasunod sang pagbuga sang abo sang Bulkan Kanlaon kahapon nga adlaw.
Suno sa Philippine Institute of Volcanology and Seismology (PHIVOLCS), ang una nga pagbuga sang Kanlaon ang naglawig sang walo ka minutos, kon sa diin, naglab-ot sa 1,500 meters ang kataason sang abo sini.
Liwat man nga nagbuga ini sang abo, kaina las-5:55 sang hapon nga naglawig sang apat ka minutos nga kag kataason nga 700 meters kag may direksyon nga west-northwest.
Apektado man sang volcanic activity ang Brgys. Abuanan, Binubuhan, Dulao, Ilijan, Ma-ao, Bago City, Negros Occidental.
Antes ang pinakaulihi nga pagbuga sang abo sang Bulkan Kanlaon, nahibaluan nga naghimo man ini sang minor explosive eruption sang Pebrero 6, 2025.
Nagapabilin naman nga yara sa alert level 3 ang bulkan.
Nagakahulugan ini nga ang magmatic unrest mahimo makatuga sang kaanggid nga mga pagbuga sang abo kag bisan ang malip-ot nga mga paglupok sa malip-ot nga panahon, mahimo makatuga sang makatalagam sa kabuhi.
