Indi na madayon ang kasal sang isa sa duha ka mga piloto sang fighter jet nga nagtibusok sa kabukiran sang Bukidnon.
Ini amo si 1Lt. AJ Dadulla nga kalaslon na kuntani sa masunod nga duha ka semana sa iya kahagugma nga si 1Lt. Alyssa Columbino nga katapo man sang PAF.
Si Dadulla ang naggikan sa Alae, Manolo Fortich, Bukidnon.
Ang isa pa ka napatay amo si Maj. Jude Salang-oy.
Ang lawas sang duha ang nakit-an sa wreckage sang aircraft.
Matandaan nga Martes sang kaagahon sang gin-report nga missing ang aircraft tubtob nga nakit-an ini sa Mt. Kalatungan, Brgy. Mirayon Talakag, Bukidnon kaina sang aga, Marso 5.
