Nakumpiskar sang otoridad ang masobra P1 Million nga balor sang ginapasuni shabu kasunod sang ginpatigayon nga buy-bust operation sa Zone 1, Barangay Compania, Molo, Iloilo City.
Ang mga subject amo sanday alyas Dexter, kasado, vendor nga nagapuyo sa Brgy. Rizal Pala-Pala II, City Proper; kag si alyas Rosa, 27-anyos, single, residente sang Brgy. Calumpang, Molo, Iloilo City.
Ginakabig man ang duha nga High-Value Suspects.
Natigayon nga madakpan ang mga durugista sa tingub nga operasyon sang Iloilo City Police Station 4 (ICPS4), Regional Police Drug Enforcement Unit (RPDEU6), kag Special Weapons and Tactics (SWAT ICPO).
Ginabanta 150 grams sang suspected ‘shabu’ ang nakumpiskar nga nagabalor sang P1,020,000.
Narekober man sa operasyon ang 31 ka plastic sachets, lakip na ang buy-bust item, kag tatlo ka knot-tied transparent plastic bags nga may unod nga ginapatihan ‘shabu’.
