Ginpaguwa ni House Deputy Majority Leader Francisco Paolo Ortega V ang lain na naman nga set sang mga makaduluda nga pangalan nga ginlista ni Vice President Sara Duterte nga nakabaton sang iya nga confidential funds sang siya ang nagpungko bilang tiglikom sang Department of Education (DepEd).
“Sa patuloy na pagsusuri ng Kongreso sa listahan ng mga nakatanggap ng confidential funds sa DepEd, may bagong grupo na naman—ang tinatawag nating ‘Team Amoy Asim,” suno kay Ortega.
Lakip sa ginatumod sang mamalidha amo ang “Amoy Liu,” “Fernan Amuy,” kag “Joug De Asim.”
Pahayag sang kongresista, ginpasa ini sang DepEd kag Office of the Vice President (OVP) sa Commission on Audit (CoA), apang kaangay sa iban nga ginwaragwag nga pangalan, wala man ini sang birth, marriage, ukon death records sa database sang Philippine Statistics Authority (PSA).
Ginkwestyon pa ni Ortega nga kun ang mga pangalan gani daw maaslom na, ano pa gid ayhan ang natabo nga mga transaksyon.
“Una, may chichirya, may cellphone, at may prutas. Sumunod ang ‘Dodong Gang.’ Ngayon naman, nandito na ang ‘Team Amoy Asim.’ Kung sa listahan pa lang ay maasim na ang dating ng pekeng mga pangalan, paano pa kaya sa mga transaksyon mismo?”
Antes sini nga mga pangalan, may recipients man nga kapangalan sang chichirya, may brand sang cellphone, may prutas, may Kamote, kag may Dodong Gang.
Lakip sini nga signatories ang Mary Grace Piattos, Jay Kamote, Miggy Mango, Dodong Alcala, Dodong Bina, Dodong Bunal, Dodong Darong, kag Dodong S. Barok.
Kun matandaan, ginsiling man sang Kamara nga ang DepEd sa idalom anay ni Sara kag ang OVP ang nagpasa sang mga dokumento nga ginaalegar may sala nga mga petsa, may mga pirma nga wala man sang signatories, kag may indi mabasahan nga mga pangalan sang gin-justify sini ang disbursement sang ila confidential funds sang 2022 kag 2023.
