Nagsulat ang Western Visayas Alliance of Transport Cooperatives and Corporation, Inc. (WVATCCI) kay Department of Transportation Secretary Vince Dizon nga nagahingyo sang suporta sa Public Transport Modernization Program sang gobyerno.
Sang February 2025 lang nagpungko bilang Secretary sang DOTr si Dizon tal-os kay Jaime Bautista nga nag-resign bangud sa health issues.
Suno kay Mr. Rizalito Alido, Consultant sang Iloilo City Alliance of Operators and Drivers Transport Cooperatives (ICAODTC), yara na sa 97% ang consolidation sa Iloilo City samtang 99% naman sa Iloilo Province —- patimaan lamang nga compliant ang mga transport coop sa luyag nga modernisasyon sang gobyerno.
Ginapabugal man Apang nagapanawagan ang mga transport groups sa gobyerno ilabi na sa Kamara kag Senado nga himuon na nga layi ang public transport modernization program agud mapainan sang pondo bangud sa pagkamatuod lang, kulanga ng budget sang gobyerno para sa programa.
Wala man gina-deny sang natungdan nga may yara kun kaisa sang deperensya sa kooperatiba apang gina-adjust man ini pahayag niya agud malab-ot ang success sang operation apang daw ginakulang suno sa iya ang suporta sang gobyerno.
Kun kaisa may epekto man ang lain-lain nga DOTr secretary bangud tagsa sa ila ang may ila man nga lain-lain nga teorya.
Ginakasubo sang transport coop nga ang nagaguwa sila pa nga nag upod sa gobyerno ang dehado kag wala ginapamatian.
