Nagaplano si US President Donald Trump nga magbisita sa Saudi Arabia sa tunga-tunga sang Mayo.
Ini ang iya mangin una nga overseas trip halin sang nag-umpisa ang iya nga ikaduha nga termino sang Enero.
Ginalauman nga lakip sa madiskusyunan amo ang tatlo ka tuig nga gyera sang Russia sa Ukraine, ang gyera sang Israel kag Hamas sa Gaza, kag ang investments.
Nahibaluan nga daku ang nangin papel sang Saudi sa U.S. foreign policy lakip na ang pagbulig kag pagpatigayon sang U.S. ceasefire talks sa Russia kag Ukraine.
Suno naman kay Trump sa una sini nga statement, gusto sini maselyuhan ang agreement sa Riyadh nga mag-invest sang tubtub sa $1 trillion sa U.S. economy lakip na ang purchases sang military equipment.#
