Ginkumpirma sang Philippine Institute of Volcanology and Seismology (PHIVOLCS) nga may nagakatabo nga explosive eruption subong sa Bulkan Kanlaon sa Negros Island.
Ginpaguwa sang ahensya ang abiso 3:09 subong nga kaagahon.
Kahapon sang udto, matandaan nga nagpaguwa na ini sang nauna nga paandam kaangot sa “increased seismic activity” sa bulkan, kun sa diin nasaad nga may 72 nga volcanic earthquakes nga na-rekord halin sang 12:00 sa kagab-ihon tubtub sa 12:00 sa udto.
“These events ranged in strength between ML0.3 and ML3.1 and were generated at 0 to 8 kilometers depths beneath the northern and northwestern flanks of the volcanic edifice. A total of one hundred thirty-five (135) volcanic earthquakes have been recorded since 12:00 AM of 11 May 2025, including relatively strong volcano-tectonic or VT earthquakes,” kabahin sang DOST-PHIVOLCS advisory nga gin-release kahapon sang 1:30 p.m.
Nahibaluan nga napasaka subong sa Alert Level 3 ang status sang Kanlaon nga buot silingon yara ini sa state of magmatic unrest.
Ginahulat pa ang dugang nga impormasyon kaangot sa pag-alburuto sang bulkan subong nga Martes.#
Screengrab from Dianne Paula Abendan
