Gindeklarar sang Supreme Leader sang Iran nga sila ang nagdaog sa 12 ka adlaw nga gyera batok sa Israel.
Kabahin ini sang mensahe ni Ayatollah Ali Khamenei sa iya una nga pagpakita sa telebisyon halin sang nagkasugot ang Iran kag Israel sa ceasefire.
“My congratulations on our dear Iran’s victory over the US regime. The US regime entered the war directly because it felt that if it didn’t, the Zionist regime would be completely destroyed. It entered the war in an effort to save that regime but achieved nothing,” pahayag sini sa recorded video message.
Matandaan nga nagtakop ang away paagi sa pagpalupad sang missiles sang Tehran naga-target sang pinakadaku nga base-militar sang US sa Middle East nga naka-base sa Qatar. Ini man ang nangin balos nila matapos ginbombahan man sang US ang tatlo nila ka nuclear sites.
Nagpandam man si Khamenei nga kun mag-atake pa ang Estados Unidos sang Amerika, magabalos sila paagi sa pagbomba man sa mga American military bases sa Middle East.
“The fact that the Islamic Republic has access to key US centres in the region and can take action whenever it deems necessary is a significant matter. Such an action can be repeated in the future too. Should any aggression occur, the enemy will definitely pay a heavy price,” suno sa Iranian leader.
Nagpromisa man ini nga indi mag-surrender ang Iran sa US bisan pa may mga panawagan nga ginahimo si US President Donald Trump. Una na nga nagpahayag si Trump nga maga-strike liwat ang US kun magbalik ang Iran sa pagtukod sang ila nga nuclear enrichment program.#
