Ginkumpirma sang Department of Migrant Workers (DMW) nga siyam (9) ka Pilipino nga tripulante sang barko nga MV Eternity C ang yara sa kamot sang Houthi forces.
Ginklaro ni Migrant Workers Secretary Hans Leo Cacdac nga tatlo (3) lang, kag indi apat, ang kumpirmado nga napatay sa insidente, samtang isa pa ka Pilipino ang padayon nga ginapangita kag wala pa ma-account.
Sa kabug-usan, dose na ka mga Pilipino ang accounted sang DMW, suno sa koordinasyon nila upod sa Department of Foreign Affairs (DFA).
Ginpahibalo man ni Secretary Cacdac nga walo ka Pilipino nga tripulante ang naluwas na, na-repatriate, kag nakapauli na sa ila mga pamilya diri sa Pilipinas.
Padayon ang pagbantay sang DMW sa kahimtangan sang mga tripulante kag ginpahayag nga prioridad gihapon sang ahensya ang seguridad kag repatriation sang mga Pilipino nga apektado.
Magapadayon man ang matuod-tuod nga koordinasyon sang DMW kag DFA agud masiguro ang proteksyon kag luwas nga makabalik ang mga Pilipino nga tripulante nga yara pa sa kustodiya sang Houthi forces, ini kasunod sa direktiba ni Presidente Ferdinand Marcos Jr. nga wala sang isa man lang ka Pilipino ang dapat mapabay-an
